Siân Robinson ما كانتش متوقعة شنو غادي يبان فالميزان.
الممرضة اللي عندها 33 عام من Worcester ولات كتزن قرابة 183 كيلو. كان نهارها كيبدا بفطور من McDonald’s، وكيكمل بـ Greggs فالغدا، وكيسالي ببيتزا عائلية من Domino’s، وبين هادشي كامل كانت كتاكل الشكلاط والبسكوي بلا نهاية. “
فمارس 2024، مشات لـ Disney World ففلوريدا واضطرات تستعمل سكوتر ديال التنقل، حيت ولى الدوران فالباركات مستحيل عليها. حبسات تستعمل النقل العمومي من الحشومة، وولات كتبعد على صحابها خوفاً من نظراتهم.
الضربة القاضية جات فگروب ديال التنحيف، ملي الشخص اللي كان كيوزنها شافها وقال بلا ما يحسب: «وا ربي، Siân، ما عرفتكش، وليتي كبيرة بزاف». هاد التعليق، وزيد عليه خطوبتها من Matt، شريكها اللي كانت معاه 13 عام، خلوها تجرب Mounjaro فـ نونبر 2024 كآخر حل قبل العملية.
دابا كتزن 15 ستون (حوالي 96 كيلو) ونقصات كثر من 87 كيلو فالمجموع. الشهر الجاي غادية ترجع لـ Disney بخطة بسيطة: تدور فكل بارك بلا سكوتر.
فيديو: