كان عند Seathra Zmeena Orr إمبراطورية رقمية فيها 4.2 مليون متابع. بين 2019 و2022، هاد المبدعة من ستامفورد، كونيتيكيـت، ربحت كثر من 3 مليون دولار من OnlyFans بالمحتوى ديالها للكبار.
ولكن فاش كانت الفلوس داخلة، كانت كتدير شبكة باش مصالح الضرائب مايشوفوهاش نهائيا: 12 هوية تجارية، و11 حساب بنكي ديال الشركات، و8 حسابات شخصية، وكانو كاملين كيتستعملو باش يدوزو الفلوس بلا حتى غرض تجاري حقيقي. بهاد الفلوس، كانت كتخلص الكرا، شرت طونوبيلات فاخرة، وصرفات كثر من 110 ألف دولار على الحلي.
نهار 15 شتنبر، اعترفات بالذنب قدّام قاضي فدرالي فهارتفورد. ودابا خاصها تردّ لمصلحة الضرائب الأمريكية كثر من 1.1 مليون دولار، وممكن تواجه حتى لـ 5 سنين فالحبس. خرجات بكفالة قدرها 100 ألف دولار وهي كتسنى الحكم.
