جريمة وحشية وقعات داخل سجن بريطاني عاودات من جديد حلات النقاش على واحد من أشهر القوانين المعروفة فعالم السجون.
Kyle Bevan، عندو 33 عام، كان كيقضي حكم بالمؤبد على قبل قتل بنت الشريكة ديالو اللي كان عمرها عامين، ملي تعرض لهجوم داخل الزنزانة ديالو من طرف 3 ديال السجناء خرين: Mark Fellows، David Taylor، وLee Newell، وكاعهم كانو من قبل تحكمو فجرائم قتل.
حسب التحقيق، الرجال الثلاثة دخلو لزنزانة Bevan واعتداو عليه لعدة دقايق. ومن بعد ما سالاو، رتبو الجثة فوق السرير باش يبان بحال إلى ناعس، وما تكتاشفاتش الجريمة حتى لنهار اللي من بعد.
خلال المحاكمة، القاضي قال بلي Bevan تختار بالضبط حيث كان مدان على وفاة طفلة. وكشف حتى بلي من بعد الهجوم، الخبر انتاشر بسرعة فالسجن وبعض السجناء حتى باركو للمسؤولين على هاد الشي.
المعتدين الثلاثة خداو أحكام جديدة بالمؤبد على هاد الحادث.
هاد القضية شعلات نقاش كبير فمواقع التواصل الاجتماعي. فاش كاينين اللي كيقولو حتى أخطر المجرمين عندهم الحق يقضيو العقوبات ديالهم بلا ما يتعتدى عليهم، كاينين خرين كيشيرو بلي الجرائم ضد القاصرين كتخلي اللي مدانين بها أهداف داخل السجون فالعالم كامل.
ها هو الفيديو ديال هاد اللحظة: