واش كنتي غادي تدير نفس الحاجة على ود ولادك؟
كان هاد الشي فآخر الثمانينات ملي تلقات كالينكا، عندها 14 لعام، ميتة فألمانيا بسبب «ضربة سخونية»، من بعد ما كانت فالعطلة مع موها وبوها بالزواج، كرومباخ. ولكن، التشريح الطبي ما قنعش باها، أندري بامبيرسكي.
كرومباخ كان طبيب محترم، وداك الشي علاش ما تحققوش معاه، حتى بدا باها كيربط الخيوط واكتاشف باللي بوها بالزواج هو اللي قتلها. فالتسعينات، خداه للمحكمة، وبالرغم من أنه تدار عليه الحكم، وزارة العدل طلبات ما يتطبقش عليه.
من بعد، تّهمو كرومباخ باغتصاب مريضة، ولكن بقى كيمارس، وداك الساعة قرر بامبيرسكي يقلب على العدالة لبنتو ولكاع البنات الضحايا الخرين.
فـ2010، باها كرى المافيا الروسية، باش يختاطفو الطبيب ويضربوه. البوليس وصل وقدر يجيبو قدام المحاكم على الاغتصاب وقتل بنتو، وزيد عليها الجرائم اللي دار ضد المريضات ديالو. كرومباخ دخل للحبس ومات فـ2020. «حاربت بحال دون كيخوت دي لا مانتشا ضد الطواحين. جبت ليها العدالة، ولكن الحقيقة هي أن هادو معارك قاصحة بزاف»، سالا بامبيرسكي.