كلشي وقع فثواني. 😓
بينما كانت مو، Katie Robinson، كتحضّر كيك ديال عيد الميلاد، Dusty الصغير، اللي عندو غير 14 شهر، شدّ قرعة ديال غبرة ذهبية للتزيين وحلّها بسنانُو، وتنفّس شوية من المحتوى ديالها.
بانت ما فيها باس، ولكن هديك الغبرة ولات بحال عجينة غليظة داخل الريتين ديالو، وسدّات ليه المجاري التنفسية وخلّاتو يفقد الوعي. وكان خاص الولد يدوز عملية مستعجلة باش ينقذو حياتو وبقى فغيبوبة لمدة 7 أيام.
ورغم أن Dusty نجا، فالشفاء ديالو غادي يكون طويل. مازال هاد الوليد كيتستعمل أنبوب للتغذية، وبدا علاج ديال الربو، وغادي يحتاج ترويض طبي، والطباء كايعتقدو باللي الحادث يقدر يخلّي عندو ضرر دائم فالرية. 💔
ومع هاد الشي، كتقول مو باللي راه «مقاتل» حقيقي، ومازال عندها الأمل باللي غادي يبرا مزيان كامل، ويثبت باللي الطبا كانو «غلطين» فالتشخيص ديالو.