Zlatan Ibrahimovic حكى واحد الواقعة عاشها ملي كان كيلعب فـ إنجلترا واللي كانت تقريباً غادي تخليه يفارق Manchester United: «نهار من النهارات كنت فالفندق مع الفريق قبل ماتش. كنت عطشان، وحليت الميني بار وشربت عصير ديال الفواكه. لعبنا ومن بعد رجعنا للدار. داز الوقت ووصلتني الورقة ديال الصالير. انتابهت بلي نقصو ليا جنيه واحد من الصالير ديالي. عيطت للمدير وقال ليا باللي السبب هو عصير الميني بار»
«طبعاً، ولكن أنا ما مشيتش للفندق بوحدي. ما كنتش فالعطلة. داك كان بلاصة الخدمة ديالي. كنت تما على قبل Manchester United. إلا خاصني نلعب وأنا عطشان، خاصني نشرب. ما نقدرش نخرج للتيران وأنا ناشف. واش كتصدق؟ جنيه واحد؟ بحال هادشي عمرها توقع فإيطاليا. هادي هي التفاصيل اللي كتصنع الفرق وكتخلي اللاعبين يحترموك»، هكا شرح السويدي.
