عملية إنقاذ فـ Mpumalanga، فالشمال الشرقي ديال جنوب إفريقيا، وصلات لاكتشاف مرعب ملي لقاو المنقذين بقايا ديال إنسان فمعدة تمساح طولو 4.5 متر وكيْوزن 500 كيلو، تشد فـ نهر Komati، من بعد أكثر من سيمانة ديال التقليب على راجل كان مفقود خلال الفيضانات اللي ضربات المنطقة.
وحسب التقارير، تشد هاد الحيوان من بعد ما حرّاس المحمية وفرق الإنقاذ لاحظو سلوك غير عادي وماشي بحال ديال التماسيح الخرين فالمنطقة.
هاد العينة بقات ساكنة وما تحركاتش رغم الهيليكوبترات والدرونات اللي كانو كيطيرو فوق منها، وبان فيها حتى انتفاخ واضح فكرشها. ملي تشدّات وتفحصات، لقاو 6 دالصباطات، جوج ديال اليدين، القفص الصدري، وخاتم.
السلطات ديال جنوب إفريقيا دابا كتحقق واش هاد البقايا كترجع لـ Gabriel Batista، رجل أعمال فالفنادق عندو 59 عام ومن Gauteng، اللي اختفى من بعد ما تحصرات البيكوب ديالو Ford Ranger وهو كيحاول يدوز من فوق قنطرة مغطاة بالماء خلال فيضان نهر Komati.