لاعب التنس الباراغواياني دانييل باييخو شاعل مواقع التواصل الاجتماعي بتصريحاتو فرولان غاروس: «بحال هاد الماتش خاصو يحكمو فيه راجل. صعيب بزاف على مرا تديرو».
هاد الشي كامل جا من بعد ما خسر قدّام اللاعب الفرنسي موازي كوامي اللي عندو 17 لعام، فماتش دام 5 سوايع. «خاصو يحكمو فيه راجل، حيث الجمهور قاسح بزاف وخاصك تكون قوي بزاف باش توقف ضد الجمهور».
ورغم أنه حاول يشرح التصريحات ديالو، ما دازوش بلا ما يلاحظوهم منظمو البطولة، اللي علنو أنه غادي يتغرّم مالياً بسبب هاد التعاليق ديالو.