كانت كاتالينا بيزارو حاملة فـ 12 سيمانة ملي قالو ليها باللي بنتها كلارا ما غاديش تعيش.
من داك النهار، كل سيمانة ولات فترة ديال الانتظار. طلبات إنهاء الحمل على أساس أن الجنين ما عندوش إمكانية يعيش، كيفما كيسمح به قانون الأسباب الثلاثة ديال الشيلي، ولكن ترفض ليها الطلب حيث الحالة ديال بنتها ما كانتش داخلة فالقوانين اللي كيعتمدو عليها باش يرخّصو بهاد الإجراء. وهكذا كملات حملها جوج شهور، وهي عارفة كيفاش غادي يسالي. كتوصف داك الوقت كتجربة مدمرة، عامرة بالقلق ديال انتظار نتيجة كانت عارفاها من قبل.
ملفها وصل للمحكمة وسالا بحكم تاريخي فالشيلي. الحكم اعترف بلي تخرق الحق ديالها فأنها تستافد من إنهاء قانوني للحمل، وأمر بتعويض ديال $100.275.000 بيزو شيلي، اللي كيعادل تقريباً US$101.600. حكم كيطرح من جديد سؤال صعيب: شنو كيوقع ملي كيكون حق منصوص عليه فالقانون، ولكن العراقل فالنظام كتمنع الناس من أنهم يستافدو منو فالوقت المناسب؟