مرا صينية سميتها Zhao عاشت قرابة 48 عام ورصاصة مستقرة فراسها بلا ما تعرف. كلشي بدا فـ1967، ملي كان عندها 14 لعام وحسات بضربة قوية فجنب راسها وهي كاتمشى فالزنقة.
فداك الوقت، ضنات باللي شي حد ضربها بحجرة، وهاد الشي علاش غير نقاو ليها الجرح وكملو حياتهم عادي. من بعد عقود، بدات Zhao كتعاني من الصداع، ومشاكل فالتنفس، وإحساس دائم بانسداد فالنيف، بلا ما تعرف السبب.
وبقات هادي هي الحالة حتى لقاو الأطباء فمستشفى China Medical University باللي كان عندها رصاصة بطول 2,5 سنتيمتر مغروسة حدا تجويف النيف. وفاللخر، نجحات عملية النزع ونجات المرا من حالة غريبة بزاف كتخلي أسئلة كثر من الأجوبة.
