Ikinuwento ni Kayla Hayes, isang kabataang babae mula sa South Carolina, United States, ang impiyernong pinagdaanan niya matapos kagatin ni Seth Fleury, ang dati niyang nobyo, ang bahagi ng kanyang ibabang labi nang tumanggi siyang halikan ito matapos tapusin ang kanilang relasyon noong October 2017.
Nangyari ang pag-atake sa Simpsonville at nag-iwan ito sa kanya ng permanenteng mga pinsala, mahigit 300 tahi, at ilang reconstructive surgeries. Ayon sa biktima, gusto ng lalaki na “mag-iwan ng marka niya” upang wala nang ibang makahalik sa kanya.
Noong 2018, hinatulan si Fleury ng 12 taon sa bilangguan dahil sa aggravated assault. Mula noon, ginamit ni Hayes ang kanyang kuwento upang magmulat tungkol sa domestic violence at suportahan ang iba pang mga biktima.
