17 taong gulang si Rory McGuire at gusto lang niyang matapos na ang emosyonal na sakit na nararamdaman niya.
Ipinanganak siya sa Ayr, Scotland, na may malpormasyon sa ugat, isang napakabihirang marka sa balat na taglay na mula pagsilang, sa itaas na labi niya. Mula pagkabata, sinisigawan siya ng mga tao ng “mukhang alien” at “mukhang longganisa”. “Halos araw-araw noong bata ako, pinagtitinginan ako ng mga tao at pinagtatawanan”, sabi niya sa isang video para sa Face Equality, isang kampanya ng nonprofit na Changing Faces.
Sa pagitan ng edad na 17 at 22, sumailalim siya sa humigit-kumulang 16 operasyon. Bawat isa ay nangangahulugan ng panibagong mga linggo ng pagpapagaling at kawalang-katiyakan dahil hindi niya alam kung gaano kalaki ang magiging pagbabago sa mukha niya. Noong 2016, ibinahagi niya ang kuwento niya sa Facebook, at ibinahagi ito ng mga tao sa buong mundo. Sinabi niya na nang mag-21 siya, umiyak siya nang dalawang oras dahil sa mga pagkiling at pang-aaping dinanas niya.
Nang gumaling siya mula sa huling procedure niya, isinulat niya sa Twitter: “Masaya ako sa unang pagkakataon sa buhay ko”. Sa edad na 23, gumawa siya ng una niyang account, @MeAndMyVM, na may malinaw na layunin: tulungan ang ibang tao na huwag sumuko sa pamamagitan ng pagbabahagi ng kuwento niya.
