Hindi gumanti si Moeno Yuno sa pangungutya.
Kilala ang influencer na Hapones na ito sa kanyang estilong “jirai-kei”, isang estetika na hango sa nightlife ng Kabukicho, na may maraming blush at pekeng luhang iginuhit sa ilalim ng mga mata. Maayos ang lahat hanggang sa pumayat siya at sumailalim sa ilang cosmetic surgery. Saka bumuhos ang mga puna. Sinabi ng mga tagasubaybay niya na sinira ng mukhang artipisyal na makeup ang mga resulta ng kanyang pagbabago.
Maaaring nagtanggol ang iba sa sarili nila, pero kabaligtaran ang ginawa niya: humingi siya ng payo sa mga kritiko niya. At hindi lang siya basta nagsalita. Dalawang buwan siyang nag-aral ng mga bagong pamamaraan sa pagpapaganda, sinubukan ang mga ito, gumawa ng mga pagbabago, at nagsanay.
Nang sa wakas ay muling humarap siya sa kanyang mga tagasubaybay, malambot at natural ang hitsura niya, at halos hindi siya makilala. Hindi na pangungutya ang mga komento—palakpakan na ang mga ito. Ginawang aral ni Moeno ang kabiguang iyon at, sa proseso, hinangaan siya ng mga tao sa social media dahil sa kanyang pagiging mature. Magkakaroon ka ba ng tiyagang makinig sa mga taong umaatake sa iyo?
