3 taong gulang si Ruby Hoffman at, sa pasukan ng kanilang tahanan na ginawang karerahan ng traysikel, hinihintay niya ang kanyang pagkakataon sa de-kuryenteng wheelchair niya, isang de-kuryenteng laruang kotse na iniangkop para sa kanya. Walang pagtatangi si Abbie, ang matalik niyang kaibigan: si Ruby ay si Ruby lamang, at nararapat siyang makasali sa bawat karera at makitawa sa lahat. Kaya tinulungan siya ni Abbie na magmaneho, at magkasama silang umikot sa driveway.
Kinunan ng kanyang ina na si Mindy ang tagpong iyon at ibinahagi ito sa Facebook noong 2018.
May H-ABC leukodystrophy si Ruby, isang sakit na napakabihira kaya walo lamang ang naitalang kaso sa buong mundo noong 2016. Hindi masabi ng kanyang utak sa kanyang katawan kung ano ang gagawin, at unti-unti niyang nawala ang kakayahang maglakad, magsalita, ngumiti, at tumawa. Pero nang hapong iyon, habang nakapatong ang mga kamay ni Abbie sa mga kamay niya, umusad si Ruby, ngumiti, at tumawa.
Marami pang sandaling tulad niyon ang naranasan ni Ruby bago siya pumanaw halos dalawang taon na ang nakalilipas. Maikli man ang panahong inilagi niya sa mundo, puno naman ito ng pagmamahal.
A Rare Ruby, magpakailanman.