Nagmamaneho sina Alexandra at Rollins Luckey pabalik sa Atlanta mula Florida kasama ang 6-na-taong-gulang nilang anak na si Reese nang huminto sila sa daan. Pagkababa pa lang nila ng kotse, lumapit sa kanila ang isang aso. Napakamalambing nito at kumikilos na para bang minamahal na alagang hayop, pero walang nakakaalam kung sino ang may-ari nito. Sinabi ni Alexandra sa The Dodo na sabi ng mga empleyado, “matagal na” itong naroon.
Mabilis na napalapit dito si Reese. Hindi niya maintindihan kung paano kayang iwan ng sinuman ang isang asong gaya nito, at nauwi siya sa pag-iyak. “Hindi natin siya puwedeng iwan dito”, sabi niya sa mga magulang niya.
Dahil sa mga luha ng bata at sa napakatamis na mukha ng aso, nagsimulang isaalang-alang ng mga Luckey ang hindi nila akalaing gagawin nila. “Mahilig ako sa aso, kaya sinabi ko, amponin na natin siya“, sabi ni Alexandra.
Ipinaskil nila ang larawan nito sa isang lokal na grupo para sa mga nawawalang alagang hayop, at sinabi sa kanila ng isang kapitbahay na pinabayaan ito ng dati nitong may-ari at ayaw na nitong alagaan pa ito. Pinangalanan ito ni Reese na Clark.
Makalipas ang isang linggo at kalahati, umaakyat na si Clark sa kandungan ng mga kapamilya para halikan sila nang paulit-ulit at tumatakbo-takbo sa bahay kasama si Bunny, ang isa pang aso ng pamilya… At nagsimula ang lahat sa isang batang tumangging iwan siya. 👏