Gusto lang sumayaw ni Víctor Hugo Mica.
Noong Linggo, pumunta ang 30-taóng-gulang na Bolivianong lalaking ito sa isang handaan bilang parangal kay Pachamama sa kapitbahayan ng Villa Victoria sa La Paz. Doon, nakasalubong niya ang isang kaibigan na nag-alok sa kanya ng beer. “Wala na akong maalala”, sinabi niya sa lokal na media. Ang susunod na naaalala niya ay nagising siya sa loob ng kabaong, nakabaon sa isang lugar ng konstruksyon sa munisipalidad ng Acachachi, mga 80 kilometro mula sa kabisera.
Ayon sa salaysay niya, hindi naging madali ang pag-ahon: binasag niya ang salamin gamit ang kamay, malubha niyang nasugatan ang sarili, at halos hindi siya nakatakas. May nakakita sa kanya na pagala-gala sa lugar ng Ceja sa El Alto at sinamahan siya nito sa Espesyal na Puwersa sa Paglaban sa Krimen. Doon, sabi niya, hindi tinanggap ang kanyang reklamo dahil nasa impluwensiya pa siya ng alak. “Bumalik ka kapag hindi ka na lasing”, sabi nila sa kanya.
Ipinagpipilitan ni Víctor na inilibing siya bilang isang “sullu”, isang handog kay Pachamama. Ayon sa ilang mito, ang paghahandog ng isang tao ay magpapatibay sa isang konstruksyon. Sino ang nag-iwan sa kanya roon, at bakit walang gustong makinig sa kanya?