May isang araw na nagpasya si Andrea na hindi na kailanman lumingon pa.
Ganito niya mismo ito ikinukuwento: “Sinabi ko: Hindi na ako kailanman magiging Javier”. Ipinanganak si Andrea Zarina Carrillo Torres sa Nandayure, Guanacaste, at ngayon ay nagtatrabaho bilang abogada sa Hudikatura ng Costa Rica. “
Bago ang kanyang transisyon, nagtrabaho siya sa Tanggapan para sa Proteksiyon ng mga Biktima at Saksi sa ilalim ng dati niyang pagkakakilanlan. Napakahalaga ng suporta ng kanyang pamilya upang malagpasan ang prosesong puno ng mga pag-aalinlangan tungkol sa kung paano siya tatanggapin ng mga nakapaligid sa kanya.
Siya ang naging unang hayagang trans na babae na nagtapos ng kursong abogasya sa Unibersidad ng Costa Rica, at siya rin ang unang trans na nagtapos sa Liberia Campus.
Ngayon ay mas mataas ang kanyang tinatarget: nais niyang maging hukom at, kalaunan, mahistrado. Ayon sa kanya, mayroon lamang mga kahalintulad na precedent sa Estados Unidos at India, kaya kung makakamit niya ito, siya ang magiging una sa buong Latin America.
“Isa sa mga pangarap ko ay maging unang trans na hukom”, aniya sa panayam. At ibinahagi niya ang tanong na nagbubuod sa lahat ng nakataya: “Naiisip mo ba ang isang trans na mahistrado?”
Kuwento sa video: