14 na taon nang unti-unting nawawalan ng ngipin si Hayley Debra Potter, 59. Nagdulot ng mga abscess ang sakit sa gilagid at humantong ito sa pagkawala niya ng 19 na ngipin. Sa Antalya, Turkey, binunot ang natitira niyang 13 ngipin sa isang operasyong tumagal nang apat at kalahating oras; nilagyan din siya ng sampung implant. Nagtatrabaho si Potter bilang tagalinis sa isang ospital sa Derby.
Nagkakahalaga ng 10,000 dolyar ang paggamot at 1,300 naman ang mga flight. Kakailanganin na niyang magsuot ng pustiso at kumain ng malalambot na pagkain sa loob ng anim na buwan habang naghihilom ang mga implant bago siya malagyan ng mga dental crown at bridge.
Nagkaroon siya ng pamamaga at mga pasa, pero sabi niya, ngumingiti na siya tuwing dumaraan sa harap ng salamin.
