16 taong gulang si Xu Guizhen nang makilala niya si Cao Zhenwei sa studio ng potograpiya na pinagsasaluhan ng kanilang mga pamilya sa Shanghai.
Noong 1937 iyon, at dahil sa digmaan laban sa Japan, napunta sila roon mula sa Weihai. Nais ng ama ni Xu na magpakasal sila, ngunit nakipagtipan na si Cao sa ibang babae. Kaya, bumuo ang bawat isa ng sariling buhay: nagpakasal sila, nagkaroon ng mga anak at, sa paglipas ng mga taon, nabalo nang walang nalalaman tungkol sa isa’t isa.
Makalipas ang halos 70 taon, noong 2019, nagkataong nakasalubong ng nakababatang kapatid na lalaki ni Xu si Cao sa isang pagtitipon ng mga retirado sa Shanghai. Nang malaman ni Cao na buhay pa si Xu, nais niya itong muling makita at nagawa niyang makipag-ugnayan dito. Nang mag-usap sila sa telepono, agad nakilala ni Xu ang boses ni Cao. Di naglaon, muli silang nagkita nang personal at nagsimulang mag-usap araw-araw.
Mabilis na umunlad ang kanilang relasyon. Noong Setyembre 2020, nang kapwa sila 94, nagpasya silang magpakasal. Pagkatapos, nagsama sila sa isang pasilidad para sa mga nakatatanda sa Shanghai, kung saan magkasama silang nakatira sa isang kuwartong may sukat na humigit-kumulang 30 metro kuwadrado. Maghapon silang magkasama roon, at madalas silang makitang naglalakad sa mga pasilyo ng pasilidad na magkahawak-kamay.