Walang sinumang nag-akala na mananalo ang isang aso sa halalan sa New Delhi.
Nagsimula ang lahat noong Huwebes, Setyembre 24, nang maglunsad ang Instagram account na Fat Dogs of Delhi ng paligsahan upang koronahan ang pinakamatabang asong gala sa kabisera ng India. May 64 na kalahok, pawang mga asong gala, at bawat isa ay nakikipagtagisan para makapasok sa mga knockout round sa pamamagitan ng mga botohan na tumatagal nang 24 oras.
Seryoso itong pinagtutuunan ng mga tao. Libu-libong internet user ang bumoboto sa mga virtual na botohan, at may ilan pang naglunsad ng nakatatawang mga kampanya sa halalan upang suportahan ang kanilang paborito, kumpleto sa mga slogan, na para bang totoong halalan ito.
Pero hindi puro katatawanan ang paligsahan. Nagaganap ito sa gitna ng debate tungkol sa presensya ng mga asong gala sa kabisera ng India, isang usaping naghahati sa opinyon ng mga tao sa lungsod. Lalo pang nagiging masalimuot dahil sa debateng ito ang pagiging ganito kataba ng isang aso—o ng anumang hayop, kung tutuusin.
Gayunman… Sino sa tingin mo ang magwawagi?