May kakaibang pasalubong ang isang surfer na Australian matapos makatagpo ng pating na mga tatlong metro ang haba sa may Cheynes Beach sa Western Australia: isang malaking marka ng kagat sa kanyang tabla.
Noong Miyerkules, Enero 22, 2025, si Dale Kittow ay nagsu-surf mga 150 metro mula sa pampang nang makita niya ang hayop na tuwirang papunta sa kanya. Nang mapagtantong aatake ang pating, inilagay niya ang kanyang tabla sa pagitan nila, at kinagat ng hayop ang hulihan nito, na nakatanggal ng isang piraso.
Napanatili ni Kittow ang pagkakabalanse sa kanyang tabla at nasakyan ang kasunod na alon para makabalik sa dalampasigan nang hindi nasusugatan. Kalaunan, nabawi pa niya ang pirasong natanggal nang kagatin iyon ng pating.
Nag-iwan ng marka ang kagat sa tabla bilang isang pasalubong na mahirap higitan: literal na may bakas ito ng mga ngipin ng pating na nagtangkang agawin iyon sa kanya.