8 taong gulang si Kellie Lim nang tamaan siya ng sakit na meningococcal. Dahil sa impeksiyon, kinailangang putulin ang tatlo niyang biyas, at halos tatlong taon siyang hindi nakalakad; kinailangan ng mga prosthesis niya ng mga pagsasaayos, at dumalo siya sa physical therapy at occupational therapy dalawa o tatlong beses sa isang linggo.
Kinarga siya ng kanyang ama sa likod mula sa kotse hanggang sa bahay. Natutong bihisan siya ng kanyang ina, na bulag na mula pa noong nagdadalaga siya, at isuot sa kanya ang mga prosthesis tuwing umaga para makapasok siya sa paaralan. Tinulungan siya ng kanyang kapatid na lalaki sa anumang kailangan niya, at hinikayat naman siya ng kanyang nakatatandang kapatid na babae na huwag sumuko.
Doktor na si Lim ngayon sa UCLA Health. Sa pagbabalik-tanaw sa kanyang pinagdaanan, isinulat niyang hindi niya kailanman inakalang makararating siya sa puntong iyon, at kinilala niyang mahalaga sa pagtupad sa mga hilig niya ang tiwalang ipinakita sa kanya ng kanyang pamilya, mga kaibigan, at mga guro.
