Ilang taon nang nagsusuot ng maskara si Conrado Ramos Estrada; dahil sa rhinophyma, nakalaylay ang kanyang ilong lampas sa kanyang bibig. Nahirapan din siyang huminga at naging dahilan ito para humilik siya. “Umabot na ito sa mga labi ko, at tuwing kumakagat ako, sumasagi ito sa kutsara”, sinabi niya sa New York Post.
57 taong gulang ang residente ng Port Chester, New York, at anim na taon na siyang nagpapakonsulta sa mga doktor at espesyalista sa balat ngunit wala siyang nakitang pagbuti. Nakilala siya ni Dr. Thomas Romo at nag-alok na operahan siya nang walang bayad sa Lenox Hill Hospital. Tinanggap ni Estrada ang alok at sumailalim sa rekonstruktibong operasyon.
Makalipas ang humigit-kumulang apat na linggo, nakabalik na siya sa trabaho at mas payapa na ang pamumuhay niya, nang hindi nag-aalala na tititigan siya ng mga tao. “Sa tingin ko, nagpadala ang Diyos ng isang anghel para alagaan ako”, sabi niya tungkol kay Romo.
