Nagbalik ang Love O2O sa platform na Youku noong Setyembre 24 sa ilalim ng ibang pamagat, A Smile Is All It Takes, na may pagbabagong imposibleng hindi mapansin: pinalitan ng AI ang mukha ni Zheng Shuang at ginamit ang mukha ng aktres na si Wang Zhuyue.
Nananatiling buo ang orihinal na pagganap, bawat frame. Tanging mukha ng pangunahing aktres ang nagbago.
Lumampas sa 8.8 bilyong panonood ang serye noong una itong ipinalabas, ayon sa MyDramaList. Ngunit noong 2021, tinawag ng mga awtoridad ng Tsina si Zheng na isang aktres na may maling asal matapos ang sunod-sunod na iskandalo, kabilang ang pagkakahatol sa kanya dahil sa pag-iwas sa buwis.
Ipinagbawal siyang magtrabaho sa industriya, at nawala ang serye sa mga platform. Nasangkot din siya sa kontrobersiya tungkol sa surrogacy, isang gawaing ipinagbabawal sa Tsina. Matapos magwakas ang relasyon nila ng kanyang kapareha, nais daw niyang ipaampon ang kanyang mga anak.
Ito na ba ang bagong paraan ng pagbabawal sa isang taong nagdudulot ng kontrobersiya dahil sa kanyang mga ikinikilos?
