27 taong gulang na si Peachy at nakatira sa Wildlife Habitat sa Flamingo casino sa Las Vegas. Noong Marso 3, 2026, bandang 5 a.m., nilampasan ng isang turistang Canadian ang bakod na nakapalibot sa tirahan niya at kinuha siya.
Mitchell Fairbarn ang pangalan niya, taga-Ontario siya, at nasa 33 taong gulang. Nakunan siya ng mga security camera na nakangiti at hawak ang flamingo sa leeg, katabi ang dalawang kaibigan, habang tinatahak niya ang casino patungo sa kuwarto niya. Ayon sa isang source, nasa ika-14 na palapag ang kuwarto at nakabalot sa isang kamiseta ang ibon.
Sa paglilitis, nagpatotoo si Fairbarn na nakainom siya ng 30 hanggang 40 na beer sa loob ng naunang 24 na oras at tinawag niya itong isang “kalokohang biro”. Ayon sa kanyang testimonya, inakala niyang isa itong bagay na pagtatawanan nila sa buong buhay nila. Sa pagtatanong sa kanya ng kabilang panig, inamin niyang “hindi maganda ang hitsura ng video”, bagaman sinabi niyang hindi niya alam kung paano nawala ang mga balahibo.
Nagpatotoo ang isang beterinaryo na nawalan si Peachy ng 7 o 8 balahibo, nabali ang mga baras ng ilan niyang balahibo at nawalan siya ng dugo, at kinailangan niya ng mga antibiotic at ilang linggong mga pangpawala ng sakit. Ayon sa Washington Post, noong Lunes, Oktubre 19, napatunayang nagkasala siya ng pagmamalupit sa hayop ng hurado.
