Ipinanganak si Punch noong July 25, 2025, sa Ichikawa Zoo sa Japan. Itinakwil siya ng kanyang ina, isang babaeng 4 years old pa lamang, matapos ang mahirap na panganganak sa gitna ng heat wave.
Pinakain siya ng mga tagapag-alaga gamit ang kamay. Sinubukan nila ang mga tuwalya, isang laruang giraffe, hanggang sa makita nila ang umubra: isang plush toy na orangutan na kinapitan ni Punch na para bang sarili niyang ina.
Noong January 2026, ibinalik nila siya sa kawan. Hindi ito naging madali. Dahil walang inang gagabay sa kanya, hindi alam ni Punch kung paano lalapit sa iba.
Ngunit may nagsimulang magbago. Sinimulan siyang linisin ng ibang macaque. May nakakita sa kanyang niyayakap ang isang kasama sa unang pagkakataon.
May mga pagsubok sa daan. Minsan, inatake siya ng isa pang miyembro ng grupo at tumakbo siya upang humanap ng aliw sa kanyang nakasanayang plush toy.
Gayunpaman, patuloy siyang sumubok. Pagsapit ng bandang March, mas bihira na niyang gamitin ang dati niyang kasamang tela. Natutulog pa rin siyang kasama ito, ngunit sa araw ay mas gusto niyang malapit sa kanyang kapwa.
At mas nakaaantig pa ang pagbabago: si Punch, na minsang nangailangan ng plush toy upang maramdamang may kasama siya, siya naman ngayon ang mainit na sumasalubong sa ibang macaque at lumalapit sa mga pinakabata, niyayakap sila at sinasamahan.
“Unti-unti na siyang nagsisimulang makibagay”, sabi ng direktor ng zoo na si Shigekazu Mizushina.
Walang pumili sa sakit ni Punch. Ngunit araw-araw, pinili niyang patuloy na maghanap ng lugar sa piling ng iba. At ngayon, tila tinutulungan na rin niya ang iba na mahanap ang kanila.