17 taong gulang si Rebecca Townsend nang isulat niya sa isang piraso ng papel ang tatlong layunin niya.
Maglakbay sa Spain. Humalik sa ulan. Magligtas ng buhay. Natupad niya ang unang dalawang iyon bago siya nagtapos ng high school noong 2015, nang hindi naghihinalang matutupad ang ikatlo sa paraang hindi maiisip ninuman. Noong Hulyo 2 ng taong iyon, matapos manood ng mga paputok sa Danbury, Connecticut, naglalakad siya kasama ang kaibigan niyang si Ben Arne nang dumiretso sa kanilang direksiyon ang isang kotse. Itinulak niya si Ben palayo sa panganib at nagawa pa niyang sabihin dito na magmadali.
Nakaligtas si Ben ngunit nagtamo ng malubhang pinsala. Hindi nakaligtas si Rebecca. Nang halughugin ng kanyang pamilya ang kanyang mga gamit at makita ang listahang iyon, naunawaan nilang sa pinakamahirap na segundo ng kanyang buhay, hindi niya namalayang natupad na pala niya ang kanyang pinakamapagbigay na hiling.