Sa gitna ng isa sa pinakamataong mga kapitbahayan sa Tokyo, may dalawang empleyadong hindi nagsusuot ng suit o gumagamit ng mga access card.
Ang mga pangalan nila ay Nagi-kun, isang lalaking 1 taong gulang, at Pokke-chan, isang babaeng 2 taong gulang. Mula noong Oktubre 9, nagtatrabaho sila sa isang lote sa Yotsuya Station, katabi ng labasan sa Akasaka, kung saan trabaho nilang kainin ang mga damong tumutubo roon. Isa itong makakalikasang paraan para linisin ang lugar. Sa teknikal na paraan, binabayaran ng JR East ang mga may-ari ng mga kambing para rentahan ang serbisyo ng mga ito.
Ayon sa isang kawani, mananatili sila roon hanggang sa katapusan ng taon. Mabagal tumubo ang damo kapag taglamig, kaya magbabakasyon sila sa mga buwang iyon at maaaring bumalik sa tagsibol kung kakailanganin sila ng JR. Samantala, iisa lang ang napakasimpleng kahilingan ng kompanya: tratuhin sila nang mabuti at huwag silang bigyan ng mga meryenda.