Ipinanganak si Cassandra Naud sa Alberta, Canada, na may malaking kayumangging birthmark na may tumutubong buhok at halos sumasakop sa buong kanang pisngi niya.
Nang ipanganak siya, inalok ng mga doktor ang kanyang mga magulang na sina Richard at France ng kosmetikong operasyon. Nagpasya silang huwag itong ipatanggal sa operasyon.
Sa paaralan, naging dahilan ang marka para tuksuhin siya nang maraming taon. “Mahirap tiisin ang malulupit nilang komento, at madalas kong kailangang pigilan ang mga luha. Pakiramdam ko’y pangit ako”, sabi niya. Sa edad na 13, hiniling niyang ipatanggal ito, pero ipinaliwanag ng siruhano na malalim ang birthmark at mag-iiwan ng mga peklat ang pagtanggal dito. Agad siyang nagbago ng isip.
Sa edad na 22, isa na siyang propesyonal na mananayaw at nagpapasalamat siya sa naging pasya ng kanyang mga magulang. “Malaking bahagi ng pagkatao ko ang birthmark ko. Nagiging kakaiba at madaling matandaan ako, na lalong mahalaga para sa pinili kong karera”, sabi niya. Ito ang mensahe niya para sa mga dumaranas ng gayon ding sitwasyon: “Huwag mong hayaang pigilan ka ng pang-aasar, at ipagmalaki ang pagiging natatangi mo”.
