Si Juana Santiago Chel ay 77 taong gulang. Noong July 30, dumating ang mga pulis na nakatalaga sa pagpigil ng kaguluhan sa kanyang tahanan sa Santa María Nebaj, Quiché, at sapilitang inalis siya kasama ang kanyang anak na babae, bilang pagpapatupad ng utos na nilagdaan ni Judge Ada Madaí López Morales.
Ang hindi inaasahan ng iilan ay nagmula mismo sa loob ng pamilya ang reklamo: si Pedro Santiago López, isa sa mga anak ni Juana, ang nagpasimula ng pagpapaalis sa gitna ng alitan sa ari-arian. Isang kapitbahay na nagtangkang ipagtanggol siya ang nauwi sa pagkakaaresto.
Nang gabing iyon, sumiklab ang galit sa nayon ng Tzalbal: sinunog ng mga residente ang bahay ng hukom. Sinuportahan ng Judicial Branch si López Morales at kinondena ang pag-atake, habang iniimbestigahan ng Public Prosecutor’s Office ang lahat ng nangyari. Naospital si Juana at pinalabas noong August 2.