Naipit si Brock sa ilalim ng aparador. Halos dalawang minuto sinubukan ng kakambal niyang si Bowdy, na kapwa 2 taong gulang, na igalaw ang muwebles hanggang sa nagawa niyang mapalaya ang kanyang kapatid habang naglalaro sila sa kanilang bahay sa Orem, Utah.
Naitala ng surveillance camera ang aksidente, na nangyari bandang 8:30 isang Biyernes ng umaga. Sinabi ng kanilang mga magulang sa CNN na wala silang narinig; kalaunan ay nakita ni Kayli sa kuha ng video na nakatumba sa sahig ang aparador, kaya pinuntahan niya ang mga bata. Nakita niyang wala ni gasgas ang dalawa. Ibinahagi ng pamilya ang video upang magbigay-kaalaman tungkol sa kahalagahan ng pagkakabit nang maayos sa mga muwebles. Sinabi ng kanilang mga magulang na maingat nilang inayos ang bahay upang maging ligtas para sa mga bata, pero hindi nila inakalang maaaring mangyari ito.
Sinabi ng ama na “talagang espesyal na bagay” ang makita si Bowdy na tulungan si Brock.